फाईल तस्विर
काठमाडौँ : केपी शर्मा ओलीले सरकारको नेतृत्व गरेको तीन वर्ष पुगेको छ । तीन वर्ष पुगेकोमा नेपाली कांग्रेसका प्रवक्ता विश्वप्रकाश शर्माले दम्भ, द्वन्द्व र भ्रष्टाचारको उपहार ओली सरकारले उपहार दिएको बताएका छन् ।
उनले सामाजिक सञ्जालमा लेखेका छन् ‘नेकपाले देशलाई ३ वर्षमा दिएको ३ उपहार ! दम्भ, द्वन्द्व र भ्रष्टाचार !’ त्यस्तै प्रवक्ता शर्माले शब्दलाई दु:ख दिएर शब्दकोषको फजुल खर्च नगर्ने उल्लेख गरेका छन् । ‘आज फागुन ३ मा ३ बर्ष पुगेको सरकारको सार समिक्षा यतिनै ! शब्दलाई दु:ख दिएर शब्दकोषको फजुल खर्च गरिएन !’
त्यस्तै उनले गायिका अञ्जु पन्तले गाएको गीत पनि सम्झिँए ‘न बिर्सें तिमिलाई न पाएं तिमिलाई, बिना अर्थ दिलमा सजाएँ तिमिलाई ! तीन नर्ष अघि दिएको मत सम्झँदै जनताको एकालापमा आज सायद यहि गीत छ ! रंगिन सपनाहरुको हवाई उडान पाइलट @PM_Nepal कै कारण चुंडिएको चंगा जो भएको छ !’
