फाईल तस्विर
काठमाडौँ : म्यानमारमा सत्ता हातमा लिएको सेनामाथि अमेरिकाले प्रतिबन्ध लगाएको छ । अमेरिकी राष्ट्रपति जो बाइडनले म्यानमारमा कू गर्ने सैनिक नेताहरुमाथि प्रतिबन्ध लगाउने कार्यकारी आदेशमा हस्ताक्षर गरेका हुन् ।
उनले हस्ताक्षर गरेको आदेश एक हप्ताभित्र कार्यान्वयन हुनेछ । अमेरिकी प्रतिबन्ध सैनिक नेता, उनीहरुका परिवार र सेनासँग सम्बद्ध व्यापार व्यवसायमा लागु हुनेछ । म्यानमारमा सेनाको कू विरुद्ध आन्दोलन चर्किएसँगै अमेरिकाले प्रतिबन्धको घोषणा गरेको हो ।
यसअघि अमेरिकी राष्ट्रपति बाइडनले पक्राउ परेका नेतालाई रिहा नगरे कडा कदम चाल्ने बताएका थिए । म्यानमारमा सैनिक कू विरुद्ध प्रदर्शन चर्किएपनि सेना पछाडी हट्नुको साटो दमनतर्फ अघि बढेको छ । बुधबार मात्रै प्रदर्शनकारीमाथि प्रहरीले रबरका गोली, पानीको फोहरा हानेको थियो ।
