फाईल तस्विर

काठमाडौं : ललितपुरमा जारी राष्ट्रिय महिला लिग फुटबलमा आज एक खेल हुँदैछ। आज चन्द्रपुर नगरपालिका र नेपाल पुलिस क्लबबीच प्रतिस्पर्धा हुन लागेको हो। यी दुईबीचको खेल सातदोबाटोस्थित एन्फा कम्प्लेक्समा दिउँसो २ बजे सुरु हुनेछ। जारी प्रतियोगितामा ४ खेल खेलेको पुलिस क्लबले १ खेलमा जीत तथा एक खेलमा हार ब्यहोरेको छ भने दुई खेल बराबरी खेलेको छ। पुलिस ५ अंकका साथ चौथो स्थानमा रहेको छ।

समान खेल खेलेको अर्को टिम चन्द्रपुरले १ खेलमा जीत निकाल्दा ३ खेलमा हार ब्यहोरेको छ। उसको तालिकामा ३ अंक रहेको छ। यसअघि हिजो भएका खेलमा साविक विजेता एपीएफले स्याङ्जाको वालिङ नगरपालिकालाई ३–० ले पराजित गर्दा विराटनगरले चौदण्डीगढीलाई ६–० ले पराजित गरेको थियो। ५ खेलबाट १५ अंक जोडेको एपीएफ शिर्ष स्थानमा रहेको छ भने वालिङ ५ अंकका साथ पाँचौ स्थानमा रहेको छ।