फाईल तस्विर
काठमाडौँ । देशभर पछिल्लो २४ घण्टामा थप १०९ जनामा कोभिड–१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका
अनुसार पछिल्लो समय ३ हजार ६१८ जनाको स्वास्थ्य परीक्षण गर्दा ४३ महिला र ६६ पुरुष गरी सो सङ्ख्यामा सङ्क्रमण पुष्टि भएको हो ।
आजसम्म नेपालमा कोरोना भाइरस सङ्क्रमितको सङ्ख्या दुई लाख ७० हजार ८५४ पुगेको छ । त्यस्तै पछिल्लो समय थप ३५० निको भएका
छन् । योसँगै निको हुनेको सङ्ख्या दुई लाख ६६ हजार ४८ पुगेको छ ।
अहिले देशभर २ हजार ७७९ सक्रिय सङ्क्रमित छन् । नेपालमा कोरोनाबाट मृत्यु हुनेको सङ्ख्या दुई हजार २७ पुगेको छ भने पछिल्लो २४
घण्टामा थप २ जनाले ज्यान गुमाएका मन्त्रालयले जनाएको छ ।
