फाईल तस्विर
नेकपा एमाले स्थायी कमिटी सदस्य सुरेन्द्र पाण्डेले संसदमा प्रस्तुत गरिएको संशोधित बजेट निधारमा लगाइएको टीकाजस्तो भएको बताएका छन् ।
पूर्वअर्थमन्त्री पाण्डेले नयाँ सरकार आएपछि केही भनिदिनुपर्छ भनेर भनिएको विवरण भएको बताए । तर सबै दलसँग सल्लाह गरेर यो काम गर्दा पनि उचित हुने पाण्डेले बताए । ‘सबै दलसँग सल्लाह गरेर सहमतिमा ल्याइएको भए धेरै राम्रो हुन्थ्यो । नाराबाजीको बीचमा भन्दा त्यसो गर्दा छलफल हुन्थ्यो । कुरा राख्ने वातावरण बनाउन हुन्थ्यो,’ पाण्डेले भने ।तर सरकारले हतार गरेको उनले बताए । ‘हतार थिएन, दुई चार दिन बातचित गरेर ल्याइएको भए हुन्थ्यो,’ पाण्डेले भने । अर्थमन्त्री जनार्दन शर्माले एमालेको नाराबाजी बीच चालु आर्थिक वर्षका लागि संशोधित बजेट ल्याएका छन् ।
