फाईल तस्विर

काठमाडौं – विश्वभर महामारीको रुपमा फैलिएको कोरानाभाइरस(कोभिड–१९ ) का कारण नेपालमा जारी लकडाउन भएको कारण रगतको अभाव कम हुन नदिन ललितपुर जिल्ला महालक्ष्मी नगरपालिकामा आकस्मिक रक्तदान कार्यक्रम सम्पन्न गरिएको छ । राष्ट्रवादी केन्द्र नेपाल र बल्ड डोनर्स एसोसिएसन नेपालको संयोजनमा भक्तपुर रक्तसञ्चारको प्राविधिक सहयोग सहित कमल पोखरी युवा समाज र शिखर टोल युवा समाजको आयोजनामा महालक्ष्मी नगरपालिका वडा नं. ४ कमल पोखरीमा कार्यक्रम सम्पन्न भएको छ । आकस्मिक घरदैलो रक्तदान अभियान अन्तर्गत रक्तदान जिबनदान भन्ने मानव धर्म र राष्ट्रिय दायित्व पूरा गर्दै रक्तदान कार्यक्रम सम्पन्न भएको छ। कुनैपनि अवस्थामा रगतको अभाव हुन नदिन सबै सरोकार क्षेत्र , ब्याक्ती , संघ संस्था लाई आआफ्नो टोल ,गाउँ , वडा र नगरमा न्युनतम ५ जना र अधिकतम १५ जना सम्मको रक्तदान कार्यक्रम राखेर हामी सबै नागरिक दायित्व पुरा गरि आकस्मिक घरदैलो रक्तदान अभियान लाई साथ दिन सम्पुर्ण नागरिक लाई आह्वान गरेको छ ।