फाईल तस्विर
काठमाडौं । प्रधानमन्त्री केपी शर्मा ओलीले प्रचण्ड माधव समूहले हिजो बुटवलमा आयोजना गरेको सभालाई ५/७ हजार जम्मा गरेर खुट्टा
बजारेको टिप्पणी गरेका छन् ।बास्तविक जनभेला कस्तो हुन्छ भरेर आफूहरुले देखाउने उनको भनाइ छ ।
माघ २३ मा काठमाडौं र २९ मा बुटवलबाट जनसभा गरेर आफ्नो शक्ति दुनियालाई देखाउने उनले बताएका छन् ।
काठमाडौं महानगर कमिटीले आयोजना गरेको भेलालाई सम्बोधन गर्दै ओलीले अबका जनसभाहरू चुनावी अभियानका रुपमा लैजाने बताए ।
ओलीले भने, ‘हिजो बुटवलमा पाँच/सात हजार मान्छे जम्मा गरेर खुट्टा बजारेछन् । वास्तविक आमसभा हामी बुटवलमा २८ गते गर्छौं ।
हामीलाई त्यो ठाउँ सानो हुन्छ, ठूला ठाउँ खोजेर लाखौं जनताको बीचमा सभा गर्छौं । त्यसपछि उनीहरूले खुट्टा बजारेको बेकार रहेछ भन्नेछन् ।’
ओलीले माघ २३ गते काठमाडौंले चुनावको लागि देशलाई जुरुक्कै उठाउनुपर्ने भन्दै त्यसको तयारीमा जुट्न कार्यकर्तालाई निर्देशन दिए ।
