श्रीलंकाका असेला गुनारत्ने र साहान अराससिगेले पोखराबाट ईपीएल खेल्ने

द्वारा प्रकाशित गरिएको हो |
२०७८ आश्विन २, शनिबार प्रकाशित
अनुमानित पढ्ने समय : < 1 मिनेट
फाईल तस्विर

पोखरा राइनोजले चौथो संस्करणको एभरेष्ट प्रिमियर लिग (ईपीएल) का लागि दुई श्रीलंकन खेलाडीलाई पनि अनुबन्ध गरेको छ । श्रीलंकन अलराउण्डर खसेला गुनारत्ने र साहान अराससिगेले यही असोज ९ देखि २३ सम्म आयोजना हुने ईपीएल खेल्ने भएका हुन् ।

दायाँ हाते अलराउण्डर गुनारत्नेले सन् २०१६ मा भारतविरुद्ध टी२० अन्तर्राष्ट्रिय डेब्यु गरेका थिए भने सोही वर्ष जिम्बाब्वेविरुद्ध एक दिवसीय अन्तर्राष्ट्रिय र टेष्टमा पनि डेब्यु गरेका थिए ।

गुनारत्नेको आगमनले पोखराको बलिङ र ब्याटिङ अझ सुदृढ भएको पोखराले जनाएको छ ।

गुनारत्नेले श्रीलंकाका लागि ६ टेष्ट, ३१ एकदिवसीय अन्तर्राष्ट्रिय र १२ टी२० अन्तर्राष्ट्रिय खेल खेलेका छन् । उनले कुल ७५ टी२० खेल्दा ५० विकेट लिएका छन् भने ११८.०७ को स्ट्राइक रेटमा १ हजार ३९८ रन बनाएका छन् ।

यस्तै पोखराले अनुबन्ध गरेका अर्का २५ वर्षीय अराससिगे पनि अलराउण्डर हुन् । राष्ट्रिय टिमबाट नखेलेपनि उनले ३४ टी२० म्याच खेलेका छन् । जसमा उनले १२७.२२ को स्ट्राइक रेटमा ४५८ रन बनाएका छन् ।

श्रीलंकन दुई अलराउण्डरसहित नेपालकै विवेक यादव पोखराको अलराउण्डरको रुपमा छन् ।

पोखराले यसअघि नै दक्षिण अफ्रिकाका ब्याट्सम्यान रिचर्ड लेभी र वेष्ट इन्डिजका बलर केसरिक विलियम्सलाई अनुबन्ध गरिसकेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

सामबेद अनलाइन बिसेष

चुरा हरियो खै कस्को माया जालमा परियो

चुरा हरियो खै कस्को माया जालमा परियो

२०७७ पुष २४, शुक्रबार वजारमा नयाँ गीत चुरा हरियो आएको छ । राजु परियार र विनु विश्वकर्माको स्वर रहेको गीतको शब्द सरोज आचार्य क्षेत्रीको रहेको..