‘बिहे पास’मा दयाहाङ संग प्रकृति

द्वारा प्रकाशित गरिएको हो |
२०७७ माघ १८, आईतवार प्रकाशित
अनुमानित पढ्ने समय : < 1 मिनेट
फाईल तस्विर

फिल्म ‘होस्टेल’ बाट अभिनेत्रीको रुपमा डेब्यू गरेकी प्रकृति श्रेष्ठले लामो समयपछि अभिनयमा कमब्याक गर्ने भएकी छन् । विवाहपछि श्रीमानसँगै अष्ट्रेलिया बस्न थालेकी उनी फिल्म ‘बिहे पास’ बाट पर्दामा फर्किन लागेकी हुन् । यसमा उनको जोडी अभिनेता दयाहाङ राईसँग बाँधिने भएको छ । फिल्ममा दुवै अनुबन्ध भइसकेका छन् । प्रवेश पौडेलले फिल्मको निर्देशन गर्नेछन् ।

सामाजिक विषयवस्तुमाथि निर्माण हुन लागेको फिल्मको आउँदो चैत पहिलो साताबाट छायांकन गर्ने तयारीमा निर्माण टिम छ । आरआर फिल्म प्रोडक्शनको ब्यानरमा रोहित कट्टेलको प्रस्तुति रहने फिल्मको कार्यकारी निर्मातामा रत्न श्रेष्ठ र सह निर्मातामा ग्याल्जेन लामा छन् । तराई भेगमा खिचिने फिल्मका अन्य कलाकार तथा प्राविधिकको चयन भने बाँकी रहेको बताइएको छ ।

फिल्मको कथा आकाश बराल, सजन काफ्ले र मुरे केरले तयार पारेका हुन् भने पटकथा आकाश बराल र सजन काफ्लेको हो । एक समय म्यूजिक भिडियोमा भ्याइनभ्याइ हुने गरेकी प्रकृति विवाहपछि भने रंगिन दुनियाँबाट पूर्ण रुपमा टाढा थिइन् । अफर आएका फिल्म समेत उनले अस्वीकार गरेकी थिइन् । अब भने उनी दयाहाङसँग जोडी बाँध्दै अभिनयमा फर्किने भएकी छन् ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

सामबेद अनलाइन बिसेष

चुरा हरियो खै कस्को माया जालमा परियो

चुरा हरियो खै कस्को माया जालमा परियो

२०७७ पुष २४, शुक्रबार वजारमा नयाँ गीत चुरा हरियो आएको छ । राजु परियार र विनु विश्वकर्माको स्वर रहेको गीतको शब्द सरोज आचार्य क्षेत्रीको रहेको..